هدية لكل اصدقاء المنتدى (.....)

استعرض الموضوع السابق استعرض الموضوع التالي اذهب الى الأسفل

هدية لكل اصدقاء المنتدى (.....)

مُساهمة  د/عبد الهادي إبراهيم في السبت أغسطس 11, 2007 3:43 am

مرقن صباحا جيت

من عين بروقن

خايفات مهاوي الصيد

خايفين حروقـن

هن فوقنا متسابحات

وعبوننا فوقن

مرقن من الجايات

ختمن مروقن

جيتك كما الجمرات

راجمات علوقن

من نوري متطابقات

حالفات يقوقن

طيرتين من الجنات

منحلي طوقن

نشدن غناوي الخير

طرقن حلوقن

من مغرب الغنوات

لا عند شروقن

تابات مع البنوت

لازمات عشوقن

شبلنو متسابقات

متساوي روقن

شيلن بلا خيلن

والعزة طوقن

نخلن بلا شعرن

والنيل عروقن

ما بردن فاترات

يوم حر سوقن

ما قبلن حارنات

خوف البسوقن

دمرن شعاب الروح

في يوم نشوغن

بلدن قلوب الناس

والحنة شوقن

هن عرفن الخلقن

خابرات خلوقن

تمن تمام الكيف

حسبن فروقن

إيش البلد حيكون ناقص دلوقن

غنن بنينة الخير فوق حادي نوقن

بنن بنن بانينة يا بنينة هي

نبني البنا البانينا يا بنينة هي

باسم الله ابتديت يا ربي يا باريني

والصلاة والسلام للحبه باريني يا بنينة هي

الوطن السماح الحبه باريني

قلبي علي الولد قلب البلد باريني يا بنينة هي

ما منعوك من شمس الله ما منعوني

والكلمة الحقيقة حقيقة شمس الكونِ يا بنينة هي

للغبش السواد غنوة وشفا المكنونِ

للظالم سياط تجلد قفا الظربوني يا بنينة هي

ما منعوني من ريحتك ولا منعوكا

ما كازوك لو عرفوا العنا وعرفوكا يا بنينة هي

الغنوة البحجروا عليها بالبازوكا

دوب سجانها فز وفرهدت في شروكا يا بنينة هي

ما منعوها من شوفتك إذا منعوها

تلقاك في الأرض في أمها وفي بوها يا بنينة هي

شارياك بالنفس ما همها الباعوها

لا نايحة بتنوح لا أذنت مندوهة يا بنينة هي

ما منعوك ما منعوها ما منعونا

شيل الناس وشم الطين وشوق أمونة يا بنينة هي

ما شفنا البكيل نقص حوافي الشونة

ما كبر الصغير بى نفخة البالونة يا بنينة هي

كيف العاصمة تبقى الشاية للحرية

والعكاز مضبب والزمن جهدية يا بنينة هي

نحن عروسنا قولة حق نشيلها هدية

لى ابقدوم ونوري حليوة والمكنية يا بنينة هي

نحن الكلمة شمس القايلة ما بنلوكة

سن الحق عل الظربوني حلق الشوكة

جنياتا بعرفو الغنوة شدوا سلوكا

شالوالحق نهيض نقزي وضرب دلوكة

نحن بلدنا راسية النيا يراضي حدوبا

في الغرب الجبل في النص جبال النوبة

في الشرق التلال عطرون علاج القوبة

والبركل مع الأماتونج ركايز الحوبة

نحن بلادنا باولادها البعرفوا الراطنة

أحمد ود قرنق واسحاق أخوك وابو فاطنة

لو ما كان قبيل حشف القبيلة الجاطنا

كنا نهضنا لي قدام لحقنا الفاتنا

نحن غنانا للولد البشوف قدامو

للبنت البتسند حيلو شادة حزامو

ونحن غنانا للبلد البراشي غمامو

نطرى جمايلو حميدو وجميل أيامو

جيت ناس فلتكان ختونا في غوغايا

قالولنا السلام، زيت البلد هو الغاية

(شيشانا) القبيل غنونا بالهوهايا

ولدولنا السلام ولدة حبل بالداية

المهدي القبيل ولدا قدل فوق عزة

(والشيشان) سكوت لا زول عرض لا هزة

يا نص العصا اللا كرة فيك لا فزة

بوش وبلير اخوك ختونا في ........
Very Happy
avatar
د/عبد الهادي إبراهيم

عدد الرسائل : 53
الإسم : : dozna.jeeran.com
تاريخ التسجيل : 05/08/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

حبيبنا ... مشوور يا زميل

مُساهمة  هشام الطيب في الأحد أغسطس 12, 2007 2:42 am

عبد الهادي .. مشكووور كتييير على الكلام الراقي .




خالص مودتي ..
هشام الطيب .. Very Happy
avatar
هشام الطيب
Admin

عدد الرسائل : 81
الإسم : : hushaam eltayeeb
تاريخ التسجيل : 05/08/2007

معاينة صفحة البيانات الشخصي للعضو http://daozna.tk

الرجوع الى أعلى الصفحة اذهب الى الأسفل

رد: هدية لكل اصدقاء المنتدى (.....)

مُساهمة  yameass في السبت أغسطس 25, 2007 11:25 am

تسلم ياغالي

yameass

عدد الرسائل : 5
تاريخ التسجيل : 25/08/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى