صـــورة ,,,,

بشوفك ديمة قدامي ..
لأنك صورة في عيني ..
وصورتك روعة زايدة جمـال ..
مع الأفلاك تسبحني ..
وأجيك اليلة شايل الشوق ..
وطول الرحلة فترني ..
وأحس إيديك تلامسني ..
كمان عينيك تغازلني ..
جمالها فريد وساحرني ...
عجيبة الحكمة في تيهك ..
براهو دة كان مجنني ..
وزي ماقيس مريض ليلى...
مرض قيس جاني زاورني ..
وغلب كل الدكاترة عاياي ..
منو الغيرك بداويني ..
وقت شفتك حسيت بالفرح ..
زارني صافحني ..
وصبح اليل علي نهار ...
طش النوم ترك عيني ..
بقيت أسرح كيف ألقاك ؟؟
وهل مازلتي فاكراني ..
وأحسك جوة في قليبي..
زي وترا بيطربني ..
نغم حساس بينبض حي ..
ذاد في وجدي عذبني ..
بلاكي اليلة كيف أصبح ..
وعيني عليكي تسألني ..
تقول لي اليلة فاتت وين ..؟؟
مشت لي مين وخلتني ..
براي في سهدي أتامل ...
عيونها الديمة تفتني ..
وأصبر في الدمع إمكن ..
عساها الدنيا تسعدني ..
أشوفك إنت قدامي ..
تزيلي الكان محيرني ..
وأتوه في شعرك المياس ..
وللإحزان تنسيني ..
وهجيري الكنت عايشو براي ..
ربيع خديك يزيل عني ..
عذابو الكنت عايشو شهور ..
لي لقياك مستني ...





موسى العبادي ....

وليتواصل إبداع الكلمات والأحرف الرائعة ..
لك كل الود والإحــترام ....