الحــــــــــــــــــب والثـــــــــــــورة ( محجوب شــريـف)
صفحة 1 من اصل 1
الحــــــــــــــــــب والثـــــــــــــورة ( محجوب شــريـف)
الحب والثورة
محجوب شريف
مشتاقلك كثير والله
للجيران وللحلة
كمان قطر النضال ولى
وغالي علي اتدلى
محطة محطة بتذكر عيونك
ونحن في المنفى
وبتذكر مناديلك
خيوطها الحمرا
ما صدفة
وبتذكر سؤالك لي
متين جرح البلد يشفى
متين تضحك سما الخرطوم
حبيبتنا ومتين تصفا
******
سؤالك كان بقربنا
ويعذبنا
ويزيد ما بينا من ألفة
ويزيدني حماس
وكم في قلبي دق نحاس
وطار من عيني باقي نعاس
أنحن أثنين
بنتقاسم هموم الناس
وأعاهدك يا أعز الناس
أسامحك لو نسيتيني
وأهنتيني وبكيتي علي
لو في يوم رميت سيفي
ورفعت إيدي
وخنت الثورة
جيت والذلة في عيني
حرام عينيك يناغموني
ويرحبوا بي
حرام إيديك ينومن
تاني في إيدي
*******
بس لكني يا ويلي ويا ويلي
أقول يا منو
وأقبل وين؟
لامن أخون صباح العين
وأخون جيلي
أعاهدك يا قمر ليلي
وحياة أمنا الخرطوم
أشيل شيلي
وأشد حيلي
وأموت واقف على حيلي
وأقولك يا أعز الناس
على الوعد القديم جايين
وبين الثورة والسكين
شيوعيين
وحتى الموت شيوعيين
وأقولك يا صباح العين
بنادق وين
بتمنعنا العديل والزين
بنادق وين
بنادق وين
--------------------------------------------------------------------------------محجوب شريف
مشتاقلك كثير والله
للجيران وللحلة
كمان قطر النضال ولى
وغالي علي اتدلى
محطة محطة بتذكر عيونك
ونحن في المنفى
وبتذكر مناديلك
خيوطها الحمرا
ما صدفة
وبتذكر سؤالك لي
متين جرح البلد يشفى
متين تضحك سما الخرطوم
حبيبتنا ومتين تصفا
******
سؤالك كان بقربنا
ويعذبنا
ويزيد ما بينا من ألفة
ويزيدني حماس
وكم في قلبي دق نحاس
وطار من عيني باقي نعاس
أنحن أثنين
بنتقاسم هموم الناس
وأعاهدك يا أعز الناس
أسامحك لو نسيتيني
وأهنتيني وبكيتي علي
لو في يوم رميت سيفي
ورفعت إيدي
وخنت الثورة
جيت والذلة في عيني
حرام عينيك يناغموني
ويرحبوا بي
حرام إيديك ينومن
تاني في إيدي
*******
بس لكني يا ويلي ويا ويلي
أقول يا منو
وأقبل وين؟
لامن أخون صباح العين
وأخون جيلي
أعاهدك يا قمر ليلي
وحياة أمنا الخرطوم
أشيل شيلي
وأشد حيلي
وأموت واقف على حيلي
وأقولك يا أعز الناس
على الوعد القديم جايين
وبين الثورة والسكين
شيوعيين
وحتى الموت شيوعيين
وأقولك يا صباح العين
بنادق وين
بتمنعنا العديل والزين
بنادق وين
بنادق وين
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى