لحــــظة تــصـــوف !!

موسى العبادي كتب:وإرتجيتك في الزمان البينا موعد
وخطاك ما عبرت ثواني الشوق
لا هماك همي ولا إعتكافي ..
وكتبت ليك كم مرة عن حالي في غيابك
تشتهيك اللهفة لما تكوني مافي ...
ويسطر القلم الحروف الشاربة من عمق التجافي ...
المنك إنت دوام بدايتو ، وكنت برجع ليك أصافي ...
عشان بحبك وكنت فاكر قلبي قلبك
والنفس الفيني منك إنت جاي
كنت فاكرو إنو نفسي الكان معاكي ...
وإنك إنت الحب وأكبر من تعابير القوافي ..
وإنو صدقك بيهو حا أعبر للحواجز ..
وألتقيك في الاهة فرحة تبقي ترياقي المعافي ...
ونبقى زي مجداف ومركب نبني المحبة على المرافي ...
الفيها كم أزهارنا غنت رقصت
صمت السكون في مهرجان أفراح خرافي ..
وإرتجيتك في الزمان البينا موعد
وخطاك ما عبرت ثواني الشوق
لا هماك همي ولا إعتكافي